Enigma 14: Dia internacional da Muller

Tamén as mulleres, aínda que en moitas ocasións invisibles, teñen colaborado ao longo da historia para comprender a nosa situación no Cosmos. As cabezas visibles semellan ser homes, e a labor das mulleres queda relegada ao esquecemento. Nesta ocasión aceptaremos, como solucións do noso enigma, as semblanzas das mulleres que ampliaron e axudaron a conformar as nosas visións do Cosmos, do sentido da existencia, da arte como configuradora das nosas visións do mundo... e todas aquelas que queirades compartir con nós.

Por seguir co noso tema anterior, eu vou propor recordar á muller que fixo posible calcular a distancia ás estrelas máis afastadas da nosa galaxia: a astrónoma americana Henrieta Swan Levitt (1868-1921). Aínda que en 1930 o astrónomo americano Harlow Shapley usó as cefeides para calcular a distancia á  Nube Magallánica pequena, que resultou estar a 165.000 anos luz, esto non tería sido posible sen as observacións de Swan Levitt, desde o observatorio de Characato, en Arequipa, das  Nubes Magallánicas, visibles só desde o hemisferio Sur. Estas nebulosas, observadas por primeira vez en 1521 pola expedición de Magallanes, son galaxias satélites da Vía Láctea, cousa que non se sabía a principios de século. Henrieta Swan encontrou unha correlación entre a periocidade das cefeides e a súa magnitude absoluta, co que  se podía calcular a súa distancia. O método elaborado por Henrieta Swan, puido utilizarse para obter a distancia a outras galaxias nas que se observasen estrelas  Cefeidas. Iso foi o que fixo Edwin Hubble en 1920 coa  galaxia de Andrómeda.